15:05, 31 января 2024, 24.kg
Бишкекте дагы эки автобус каттамы ишке кирет
Бишкекте дагы жаңы эки автобус каттамы ишке кирет. Бул тууралуу мэриянын басма сөз кызматы билдирди.
1-февралдан тарта № 145 жана № 169 жаңы автобустары каттай баштайт. Буга чейин бул каттамдарда кичи автобустар иштеп келген.
№ 145 автобус Көк-Жар конушунан Маевка айылына чейин каттайт. Узундугу 33 километр, автобустардын аралыгы 6-8 мүнөт. Бул линияга 14 автобус чыгат.
№ 169 автобус Ак-Ордо конушунан Шоро компаниясына чейин жүрөт. Анын узундугу 47 километр, ал эми автобустардын кыймыл интервалы 12 мүнөттү түзөт. Каттамда 14 автобус кызмат көрсөтөт.
Мэрия бара-бара бардык маршруттук каттамдар толугу менен автобустарга алмаштырыларын кошумчалады.
0
