16:29, 10 января 2024, 24.kg
«Кыргызавтожолдун» кызматкерлери мамлекетке 7 миллион сом зыян келтирген
«Кыргызавтожол» мамлекеттик ишканасынын Таластагы филиалынын кызмат адамдары мамлекетке 7 миллион сом зыян келтирген. Бул тууралуу УКМКнын басма сөз кызматы билдирди.
Мекеменин маалыматы боюнча, «Кыргызавтожол» ишканасынын Таластагы филиалынын кызматкерлеринин мыйзамсыз аракеттери аныкталган. Кылмыш ишинин алкагында аудитордук текшерүү жүргүзүлдү.
«Текшерүүнүн жүрүшүндө «Кыргызавтожол» мамлекеттик ишканасынын Таластагы филиалынын айрым кызмат адамдарынын мыйзамсыз аракеттеринин натыйжасында мамлекетке 7 миллион сом зыян келтирилгени аныкталып, толугу менен кайтарылды», — деп билдирди УКМК.
УКМК жарандарды мамлекеттик мекемелердеги коррупциялык көрүнүштөр тууралуу 0312660475 телефону аркылуу маалымдоого чакырат. Анонимдүүлүк кепилденет.
0
