10:12, 09 января 2024, 24.kg
Балыкчыда муз тээп жатып, сууга түшүп кеткен балдар куткарылды
Балыкчы шаарында кѳлмѳдө муз тээп жатып, сууга түшүп кеткен балдар куткарылды. Бул тууралуу Өзгөчө кырдаалдар министрлигинин пресс-борбору кабарлады.
Маалыматта белгиленгендей, 8-январда Балыкчы шаардык нөөмөт бөлүмүнө Озерная кѳчѳсүндөгү 8-кѳлмѳдѳ эки бала муз тээп жатып, сууга түшүп кеткендигин милиция кызматкери билдирген.
Жерине ыкчам түрдө төрт куткаруучу авариялык куткаруу унаасы менен тартылган.
«Жабыркагандарга алгачкы медициналык жардам көрсөтүп, тез жардам кызматына өткөрүп беришкен. Учурда балдардын абалы жакшы, бейтапканада дарыгерлердин көзөмөлүндө», — деп айтылат маалыматта.
0
