14:27, 20 декабря 2023, 24.kg
«Кыргыз петролеум» жана «Жунда» заводдорун жаңылоого 900 миллион доллар керек
«Кыргыз петролеум» жана «Жунда» заводдорун модернизациялоого инвестицияларды тартуу боюнча иштер жүргүзүлүүдө. Бул тууралуу Экономика жана коммерция министри Данияр Амангелдиев бүгүн маалымат жыйынында билдирди.
Анын айтымында, министрлик жана министрлер кабинети тарабынан бардык административдик колдоо көрсөтүлүп, анын ичинде салык жеңилдиктери берилген.
Эскерте кетсек, «Жунда» мунайды кайра иштетүүчү заводу 2019-жылдан бери иштебей турат. Буга чейин Кытайдын Шаньсин көмүр-химиялык өнөр жай корпорациясынын өкүлдөрү мунайды кайра иштетүүчү «Жунда» заводун куруунун экинчи этабына өтүү ниетин билдиришкен. Алар К5 евростандартындагы мунай заттарын терең иштетүүгө жана полипропилен өндүрүшүнө басым жасоону пландашууда.
0
