09:46, 15 декабря 2023, 24.kg
Эне жана баланы коргоо борборунда кезектеги бөйрөк алмаштыруу операциясы жасалды
Эне жана баланы коргоо улуттук борборунун дарыгерлери 40 жаштагы бейтапка кезектеги бөйрөгүн алмаштыруу операциясын ийгиликтүү жасашты. Бул тууралуу Саламаттык сактоо министрлигинин басма сөз кызматы билдирди.
Маалыматка ылайык, бейтап 7 жылдан бери программалык гемодиализде болгон.
«Бул бейтаптын бөйрөк функциясынын жоголушу мурунку гломерулонефриттин кесепети катары кабыл алынган. Ал операцияга чейинки бардык керектүү даярдыктарды өттү. Донор бейтаптын эжеси болду», — деп белгиледи мекеме.
Министрлик борбордун базасында мындай операциялар 2018-жылдан бери кыргызстандык хирургдар тарабынан ийгиликтүү жасалып келерин кошумчалады. Жалпысынан 44 операция, анын ичинде 2023-жылы 8 операция жасалды.
0
