10:35, 05 декабря 2023, 24.kg
Олимпиада. Кыргызстандын курамасынын формасын иштеп чыгууга сынак жарыяланды
2024-жылы Парижде өтө турган жайкы Олимпиада оюндары үчүн Кыргызстандын улуттук курама командасынын параддык кийиминин дизайнын иштеп чыгуу боюнча сынак жарыяланды. Бул тууралуу социалдык тармактарда Дене тарбия жана спорт департаменти билдирди.
Ачык сынакка профессионал гана эмес, башталгыч дизайнерлер, студенттер жана баардык каалоочулар катыша алат.
Эң жакшы вариант үчүн жарандар социалдык тармактарда добуш бере алышат.
Конкурстун ар бир катышуучусу даяр эмгектерин визуалдык эскиздердин жыйнагы менен тапшырышы керек.
Табыштамалар 2024-жылдын 1-февралына чейин кабыл алынат.
0
