Айгүл Жапарова Париждеги Cinema Heritag кинофестивалынын ачылышына катышты
Кыргызстандын биринчи айымы Cinema Heritag биринчи эл аралык кинофестивалынын ачылышына катышты. Бул тууралууу анын Facebook баракчасында маалымдалды. Иш-чара ЮНЕСКОнун колдоосу менен Парижде өтүп жатат.
ЮНЕСКОнун штаб-квартирасындагы иш-чарага Айгүл Жапаровадан тышкары ЮНЕСКОнун Африка жана тышкы байланыштар боюнча башкы директорунун орун басары Энтони Охеменг-Боама, кытайлык кинорежиссер Чжан Имоу, Берлин кинофестивалынын жогорку сыйлыгы — «Алтын аюунун» ээси, түркиялык режиссер Семих Капланоглу жана башкалар катышты.
Актан Арым Кубаттын «Эсимде» тасмасы фестивалдын финалына өттү. Париждин кинотеатрларында кыргызстандык режиссерлордун — Cinema Heritage программасынын катышуучуларынын тасмалары көрсөтүлүп жатат.
Cinema Heritage кинофестивалынын негиздөөчүлөрүнүн арасыда Кыргызстандын Франциядагы толук жана ыйгарым укуктуу элчиси Садык Шер-Нияз бар.
Фестиваль «Айтыш Франс» ассоциациясы тарабынан Франциядагы кыргыз диаспорасынын өкүлдөрүнүн активдүү катышуусунда өткөрүлүүдө.
