09:29, 28 ноября 2023, 24.kg
Кыргызстандын ички дүң продукциясы 1 триллион сомдон ашты
Кыргызстандын ички дүң продукциясы 1 триллион сомдон ашты. Муну Экономика жана коммерция министрлигинин сайтындагы атайын эсептегичтин маалыматтары көрсөтүп турат.
Ага ылайык, ИДП 1 триллион 15,2 миллиард сомду түзүп, өсүп жатат.
Эскерте кетсек, өткөн аптада Жогорку Кеңештин жыйынында министрлер кабинетинин төрагасы Акылбек Жапаров бийлик ИДПнын көлөмүн 1 триллион сомго жеткирүүнү пландап жатканын айткан.
«Бул тарыхый учур. Инфляцияга карабастан, эмгек акынын реалдуу бөлүгү өсүүдө. Мамлекеттик банктарды күчтөндүрүп, алардын уставдык капиталын көбөйттүк, ал 100 миллион доллардан ашты», — деп билдирген министрлер кабинетинин төрагасы.
0
