09:31, 27 ноября 2023, 24.kg
Мушкер Эдил Эсенгулов Винисиус Крузду утту
Absolute Championship Akhmat (ACA) турнириндеги беттеш учурунда Бразилиялык мушкер Винисиус Круз кулагынан жаракат алып, кыргызстандык мушкер Эдил Эсенгулов техникалык нокаут менен жеңишке жетти. Бул тууралуу ACA сайтында маалымдалды.
«Эдил Эсенгулов Винисиус Крузду техникалык нокаут менен жеңип, мушташты дарыгер токтотту (4-раунд, 1:02) жана ал орто салмакта гран-принин жарым финалына өттү», — деп айтылат маалыматта.
Эдил Эсенгуловдун соккусунан кийин Винисиус Круздун кулагынын бир бөлүгү түшүп калган. Ага керектүү жардам көрсөтүлдү жана өмүрүнө эч кандай коркунуч жок.
Эдил Эсенгулов техникалык нокаут менен утуп, 14 беттеште жеңишке жетти.
0
