16:36, 24 ноября 2023, 24.kg
Кыргызстанда гендердик зомбулукка каршы 16 күндүк өнөктүк башталды
Кыргызстанда гендердик зомбулукка каршы 16 күндүк өнөктүк башталды.
Ал жыл сайын 25-ноябрдан 10-декабрга чейин өтүп, аялдарга жана кыздарга карата зомбулук көйгөйүнө көңүл бурууга багытталган.
Бул жылы маалыматтык кампания зордук-зомбулук жасалганга чейин аны жок кылуу үчүн алдын алуу стратегияларын каржылоонун маанилүүлүгүнө арналган.
Белгиленгендей, дүйнө жүзү боюнча ар бир үчүнчү аял зордук-зомбулукка кабылат. Бул анын физикалык жана психикалык абалына терс таасирин тийгизет. Көйгөйдү COVID-19 пандемиясынын кесепеттери, куралдуу кагылышуулар жана климаттын өзгөрүшү да татаалдаштырып, экономикалык коопсуздуктун жок болушуна жана жашоо үчүн каражат булактарына жетүүнүн кыйындашына алып келди.
0
