12:33, 23 ноября 2023, 24.kg
Чүй облусунда жездесин балка менен башка урган жаран кармалды
Москва районунда тууганына оор залал келтирген шектүү кармалды. Бул тууралуу Чүй облусунун ички иштер башкы башкармалыгынын басма сөз кызматы билдирди.
Маалыматка ылайык, 25-октябрда С.А. уруш учурунда 1979-жылы туулган М. У. аттуу эжесинин күйөөсүн балка менен башка урган.
Кылмыш-жаза кодексинин 130-беренесинде (ден соолукка оор залал келтирүү) каралган кылмыштын белгилери боюнча кылмыш иши козголду.
С.А. кармалып, убактылуу кармоочу жайына киргизилди. Тергөө уланууда.
0
