Садыр Жапаров Россиянын Федералдык жыйынынын төрайымын кабыл алды
Президенти Садыр Жапаров Россиянын Федералдык жыйынынын Федерация кеңешинин төрайымы Валентина Матвиенкону кабыл алды.
Маалыматка ылайык, кыргыз-орус кызматташтыгынын бир катар актуалдуу маселелери, анын ичинде эки өлкөнүн парламенттер аралык байланыштарын өнүктүрүү боюнча пикир алмашуу болду.
Мамлекет башчысы кыргыз-орус мамилелери бардык чөйрөнү камтый турганын белгиледи. Эки өлкөнүн мамилеси стратегиялык жана союздаштык мүнөзгө ээ.
Мамлекет башчысы парламенттер аралык кызматташууга токтолуп, Валентина Матвиенконун жеке колдоосу менен парламенттик дипломатия эки жактуу өз ара аракеттенүүнүн маанилүү каналына айланганын баса белгиледи. Жетекчиликтин жана депутаттардын деңгээлинде туруктуу байланыштар сакталууда.
Валентина Матвиенко Россия өз ара кызыкчылык туудурган бир катар чөйрөлөрдө кызматташууну мындан ары кеңейтүүгө жана тереңдетүүгө кызыктар экенин жана эки өлкөнүн ортосундагы өз ара соода жүгүртүүнүн өсүшүнүн оң динамикасын белгиледи.
Төрайым Кыргызстандагы инфраструктуралык долбоорлорду өз ара пайдалуу ишке ашырууга даяр россиялык ири компаниялардын зор кызыгуусун билдирди.
Валентина Матвиенко Президент президентке өлкөдө орус тилин колдоого алып жаткандыгы үчүн ыраазычылык билдирип, эки өлкөнүн жетекчилеринин демилгеси менен Кыргызстанда 9 заманбап кыргыз-орус мектебин куруу сыяктуу ийгиликтүү долбоор ишке ашырыла турганын айтты.
