14:35, 14 ноября 2023, 24.kg
Ажылык сапарына каттоо аяктады
Мекке жана Медина ыйык шаарларына ажылыкка барууну каалагандарды каттоо аяктады. Бул тууралуу Кыргызстан мусулмандарынын дин башкармалыгы билдирди.
Мекеменин маалыматы боюнча, баары баштапкы төлөмдүрүн төгүштү.
Кыргызстандын 6 миң 524 жараны банкка 2 миң доллар өлчөмүндөгү баштапкы жана 1 миң сом кайтарымсыз төлөмдү төгүшкөнү белгиленди.
Эскерте кетсек, 2024-жылы Кыргызстан үчүн ажылыкка 6 миң 60 орун берилген. Муфтияттын маалыматы боюнча, алардын 500ү резервде калат.
0
