Президент Японияга барып, Фумио Кисида менен сүйлөшүүлөрдү өткөрөт
Кыргызстандын президенти Садыр Жапаров 17-20-ноябрда Японияга барып, өлкөнүн премьер-министри Фумио Кисида менен сүйлөшүүлөрдү өткөрөт. Бул тууралуу Япониянын Тышкы иштер министрлиги тараткан билдирүүдө айтылат.
«Президенттин сапары Япония менен Кыргызстандын ортосундагы достук мамилелерин чыңдоого өбөлгө болот деп ишенебиз», — деп белгиленет мекеменин билдирүүсүндө.
Япония акыркы мезгилде Борбор Азия өлкөлөрү — Казакстан, Кыргызстан, Тажикстан, Түркмөнстан жана Өзбекстан менен мамилелерди өнүктүрүүгө өзгөчө көңүл бурууда.
Эске салсак, 2022-жылдын декабрь айынын башында Япониянын борборунда чөлкөмдөгү өлкөлөрдүн бийлик жана бизнес өкүлдөрүнүн катышуусунда Борбор азиялык инвестициялык форум (Central Asia Investment Forum 2022) өткөн.
Ошондой эле расмий Токио 2024-жылы Борбор Азия — Япония форматында саммит өткөрүү демилгесин көтөргөнү белгилүү болду.
