11:41, 24 октября 2023, 24.kg
Төө-Ашуу аркылуу жүк ташуучу унаалардын өтүүсүнө чектөө киргизилди
Кечээ кечинде Бишкек — Ош унаа жолунун 81-чакырымында (Сосновка посту, Тоо-Ашуу) жүк ташуучу унаалардын өтүүсүнө убактылуу чектөө киргизилди. Бул тууралуу Транспорт жана коммуникация министрлиги билдирди.
Чектөөлөр аба ырайы жана климаттык шарттар жакшырганга чейин уланат. «Кыргызавтожол» мамлекеттик ишканасынын №9 жол эксплуатациялоо мекемесинин кызматкерлери Бишкек — Ош жолуна тайгаланууга каршы инерттик материалдарды чачууда.
«Автожолдордун ашуу аймактарына чыккан айдоочуларга жайкы дөңгөлөктөрдү кышкыга алмаштырууну, жанында дөңгөлөк чынжырларын алып жүрүүнү сунуштайбыз», — деп эскертти Транспорт министрлиги.
0
