16:50, 23 октября 2023, 24.kg
Кыргызстандык дзюдочу Кытайдагы Пара Азия оюндарында алтын медаль тагынды
Кыргызстандык дзюдочу Хайитхон Хусан кызы Кытайда өтүп жаткан Пара Азия оюндарында алтын медаль тагынды. Бул тууралуу мелдештин сайтында маалымдалды.
Ал көзү азиздер арасындагы 48 килограммга чейинки салмак ченинде 1/2 финалда Индонезиялык атаандашы Новиа Ларассатини утуп алган.
Финалда ал жапониялык Хангай Шизуканы жеңип, чемпион болду.
Эскерте кетсек, 22-28-октябрь күндөрү Ханчжоу шаарында Пара Азия оюндары өтүп жатат. Ага жеңил атлетика, пауэрлифтинг, теннис, сууда сүзүү, шахмат жана дзюдо боюнча 29 кыргызстандык спортчу катышууда.
0
