15:30, 06 сентября 2023, 24.kg
Бишкектин тургуну марихуана менен кармалды
Бишкектин тургунунун унаасынан «марихуана» баңгизаты табылды. Бул тууралуу Ички иштер министрлигинин басма сөз кызматы билдирди.
ИИМдин Жол кыймылынын коопсуздугун камсыздоо башкармалыгынын кызматкерлери Бишкек-Торугарт жолунда «Тайота Авенсистин» унаасын токтотуп, текшергенде багажнигинен 3 килограмм 85 грамм салмагындагы кургатылган марихуана табылган.
Аталган факт боюнча кылмыш иши козголуп, кармалган айдоочу 39 жаштагы С.Р. андан ары иликтөө үчүн тергөө кызматына жеткирилди.
0
