16:53, 05 сентября 2023, 24.kg
Кышында электр жарыгы менен жылытууга тыюу салынат
Кышында электр жарыгы менен үйдү жылытууга тыюу салынат. Бул тууралуу энергетика министринин орун басары Таалайбек Байгазиев билдирди.
Анын айтымында, кышында жарыкты жапырт өчүрүү болбойт.
«Бирок суунун аздыгынан улам электр жарыгы менен жылытууга тыюу салабыз. Жарык үзгүлтүксүз жетип турат. Ар бир үйгө жетиштүү түрдө жарык берилет. Муздаткыч, сыналгы жана тамак даярдоого электр жарыгы болот. Азыр биз үнөмдөө боюнча видео роликтерди көрсөтүп жатабыз», — дейт ал.
Таалайбек Байгазиев Бишкекти көмүр менен камсыз кылынарын белгиледи.
0
