11:55, 08 июня 2021, 24.kg
Ошто дайынсыз жоголгон адам 17 күндөн кийин каналдан табылды
Ош шаарында 15 күндөн бери дайынсыз болуп жаткан 33 жаштагы жарандын сөөгү каналдан табылды. Бул тууралуу Өзгөчө кырдаалдар министрлиги билдирди.
Маалыматка караганда, шаар тургуну 22-май күнү үйүнөн чыгып кеткен бойдон дайынсыз жоголгон.
ӨКМдин басма сөз кызматы билдиргендей, аталган жарандын жеңил унаасы базардын жанынан аккан Кайырма суусунун жээгинен табылган.
«Бүгүн, 8-июнда Кара-Суу районунун Кыргызстан айылындагы Кайырма каналында адамдын сөөгү жаткандыгы тууралуу маалымат түшкөн. Куткаруучулар адамдын сөөгүн суудан чыгарып, милиция кызматкерлерине өткөрүп беришкен», — деп айтылат маалыматта.
0
