Кыргызстанда калктын миграциялык агымы 21 пайызга төмөндөдү
Кыргызстанда калктын миграциялык агымы 21 пайызга төмөндөдү. Бул тууралуу Улуттук статистикалык комитет маалымдайт.
Алардын билдирүүсүндө, 2020-жылы өлкөгө туруктуу жашоо үчүн келгендердин саны 1 миңге жакын адамды түздү. Ошол эле учурда 5,8 миң киши өлкөдөн чыгып кеткен. Бул көрсөткүч 2019 жылга салыштырмалуу 2 миң кишиге аздык кылат.
«Натыйжада, өлкөгө келгендер менен чыгып кеткендердин ортосундагы айырмачылык 2019-жылы 4,8 миң адамды түзсө, 2020-жылы 6,2 миңге жетип, миграциялык агым 21 пайызга төмөндөдү», — дейт Статком.
Белгилей кетсек, 2020-жылы пандемияга байланыштуу чет өлкөдөн 10 миңден ашык мигранттар Кыргызстанга кайтып келишкен.
2020-жылы өлкөдөн чыгып кеткен жарандардын басымдуу бөлүгү (42,1 пайызы) кыргыз улутундагылар. 26,2 пайызы, же 1,5 миң орус улутундагылар, өзбектер — 15,1 пайызы, казактар — 2,6 пайызы жана украиндер — 2,1 пайызы кирди.
