11:48, 17 марта 2021, 24.kg
Тажик-кыргыз чек арасы боюнча сүйлөшүүлөр үч күндөн бери уланууда
Тажик-кыргыз чек арасы боюнча сүйлөшүүлөр үч күндөн бери уланууда. Бул тууралуу «Регион» телеканалынын журналисти Өткүрбек Рахманов соцтармакка жазды.
Анын айтымында, Тажикстан менен сүйлөшүүлөр оор өтүүдө.
«Кыргыз-тажик чек аралары боюнча Тажикстан мамлекетиндеги сүйлөшүүлөрү 3 күндөн бери уланууда. Бизге жеткен маалыматтар боюнча, сүйлөшүүлөр оор жүрүүдө. Бирок, мамлекеттин кызыкчылыктарын коргоодо, Кыргызстандык делегациянын башчысы, мамлекеттик чек ара комиссиясынын төрагасы Камчыбек Кыдыршаевич бекем позицияда турганы белгилүү болду», — дейт ал.
Белгилей кетсек, Камчыбек Ташиев дүйшөмбү күнү Баткен облусунун Лейлек районундагы «Кулунду» өткөрүү пункту аркылуу Тажикстандын аймагына кирген. УКМК кыргыз-тажик мамлекеттик чек ара делимитациялоо жана демаркациялоо боюнча комиссиянын жыйыны Худжант шаарында өтөрүн маалымдаган.
0
