16:40, 10 марта 2021, 24.kg
Орусия: курулуш тармагына дагы 1,2 млн жумушчу жетишпей жатат
Орусия бийлиги курулуш тармагында дагы 1,2 млн жумушчу жетпей жатканын билдирди. Буга коронавирус пандемиясына байланыштуу чек аралардын жабык болуп жатканы себеп болууда.
9-мартта Орусиянын курулуш жана турак жай-коммуналдык чарба министри Ирек Файзуллин өлкөнүн айрым аймактары жумуш орундарын орус жарандарынын эсебинен толтурууга кудуретсиз экенин айткан.
Орусияга кирүүдөгү чектөөлөрдөн улам көптөгөн курулуш компаниялары өлкөнүн курулуш министрлигине кайрылып, мигранттарды ишке тартууга көмөк көрсөтүүнү сураган.
Орусия Борбор Азия мамлекеттеринен эмгек мигранттарын кабыл алган негизги өлкө болуп эсептелет.
0
