10:00, 24 февраля 2021, 24.kg
Сузакта жол кырсыгынан бир адам каза болду
23-февраль күнү Сузак районунун Таш-Булак айылында Hyundai Solaris үлгүсүндөгү унаанын айдоочусу рулду башкара албай жолдон чыгып кеткен. Бул тууралуу Өзгөчө кырдаал министрлиги билдирет.
Маалыматка ылайык, кырсыктын кесепетинен 1963-жылы туулган эркек киши каза болуп, 1967-жылы туулган аял жабыркаган.
Өрткө каршы куткаруу бөлүгүнүн куткаруучулары жеткенге чейин жабыркаган аялды тез жардам кызматы ооруканага алып кеткен, ал эми каза болгон адамдын жансыз денеси ИИМ кызматкерлерине өткөрүлүп берилген.
0
