17:07, 12 февраля 2021, 24.kg
Улукбек Марипов: Үй-бүлөлүк зомбулук бир үй-бүлөнүн жеке иши эмес
«Үй-бүлөлүк зомбулук бир үй-бүлөнүн жеке иши эмес», — деп премьер-министр Улукбек Марипов Ички иштер министрлигинин 2020-жылкы ишмердүүлүгүнүн жыйынтыгын чыгаруу жана үстүбүздөгү жылга карата артыкчылыктуу милдеттерин талкуулоо боюнча коллегиялык жыйында билдирди.
Ал үй-бүлөлүк зомбулукка жол бербөөгө аракеттерине токтолду.
«Зомбулуктун ар кандай фактылары — адам укугунун негиздерине каршы келген кылмыш. Өнүккөн коомдо мындайга жол берилбеши керек. Зомбулуктун ар-түрдүү фактылары, анын ичинде үй-бүлөлүк зомбулук да укук коргоо органдарынын көңүлүнөн четте калбашы керек. Үй-бүлөлүк зомбулук бир үй-бүлөнүн жеке иши катары кабылданбашы зарыл. Мындай фактылар жашырылбастан, коомчулук мындай көрүнүштөрдү жектөө менен кабылдашы тийиш», — деди Улукбек Марипов.
0
