10:33, 01 января 2021, 24.kg
Январь айында кыргызстандыктар канча күн эс алары айтылды
2021-жылдын 3-майындагы эс алуу күнү 8-январга жылдырылды. Бул тууралуу өкмөттүн маалымат кызматы билдирди.
Маалыматка ылайык, дем алыш күндөрдү жылдыруу боюнча токтомго премьер-министрдин милдетин аткаруучу Артем Новиков кол койгон.
«Дем алыш күндөрүн ырааттуу бөлүштүрүү максатында беш күндүк график менен иштеген мамлекеттик орган жана муниципалдык уюмдардын, мекеме, ишканалардын 3-майдагы эс алуусу 8-январь менен алмаштырылган. Себеби Эмгек кодекси боюнча 1-май ишембиге туура келгендиктен, 3-май, дүйшөмбү күнү да дем алыш болмок», — деп жазылган билдирүүдө.
Натыйжада кыргызстандыктар 1-2-3-январь жана 7-8-9-10-январь күндөрү эс алышат. Ал эми 4-5-6-январь иш күнү катары бекитилген.
0
