10:27, 25 декабря 2020, 24.kg
Өспүрүмдүн өлүмүнө айыпталып соттолгондордун туугандары митингге чыгышты
Бишкекте өспүрүмдүн өлүмүнө айыпталып соттолгондордун туугандары митингге чыгышты. Бул тууралуу 24.kg агенттигине жактоочу Бактыбек Жумашев билдирди.
Эскерте кетсек, 2019-жылдын 14-октябрында 14-жашар бала көп кабаттуу үйдөн бой таштап каза тапты. Ал ошол күнү досу менен бирге соода түйүндөрүнүн биринен шоколад уурдап кармалып калган. Дүкөндүн кароолчулары балдардан ата-энесинин телефон номерлерин алып, өздөрүн кое беришкен. Балдардын үйүнө келип, экинчиси өз жанын кыйган.
Бактыбек Жумашевдин айтымында, кароолчуларга өлүмгө жеткирүү айыбы коюлуп, бири алты, экинчиси беш жылга соттолду.
Бүгүн соттолгондордун жакындары митингде дүкөндүн кароолчуларынын ишин калыс кароону талап кылышты.
0
