Румыния кыргызстандыктарга акысыз билим алуу үчүн сынак жарыялады
Румыния мамлекетинин жогорку окуу жайларында акысыз билим алуу үчүн жарыяланган сынакка кыргызстандыктар катыша алышат. Бул тууралуу Билим берүү жана илим министрлигинин басма сөз кызматы билдирди
Маалыматка караганда, 2020-2021-окуу жылына бакалавриат, магистратура жана докторантура программалары боюнча 85 гранттык орун бөлүндү. Сынакка Европа биримдигинен башка бардык мамлекеттин жарандары катыша алат.
Бакалавриат жана магистратура программаларына катышууну каалагандардын жашы — 35, ал эми докторантурага тапшыргандардын жашы 45тен жогору болбошу керек.
Окутуу румын тилинде жүргүзүлөт, билбегендер биринчи окуу жылын тил үйрөнүүгө багыттайт.
Билдирмелер 16-мартка чейин тапшырылуусу керек.
Талаптар, шарттар жана билдирме формасы боюнча кеңири маалыматты Билим берүү министрлигинин сайтынан ала аласыздар.
