10:50, 23 января 2020, 24.kg
Ормон-Хан айылындагы мектептин дубалын чычкандар кемирип салышкан. Балдар үшүүдө
Ормон-Хан айылында балдар муздак мектепте окууга туура келүүдө. Бул тууралуу Жогорку Кеңештин отурумунда депутат Жылдыз Мусабекова билдирди.
Анын айтымында, мектеп жеңил конструкциядан курулган. Чычкандар дубалды жылуулаган айнеккебезди кемирип салышкан.
«Кышкысын мектепте суук, жайкысын чычкан жыттанат. Бул маселени карап чыгууну суранам», — деди депутат. Ал өкмөт социалдык маселелерди чечүүнүн ордуна, акчаны иш-чара, юбилей өткөрүүгө жана балаты кооздоого коротуп жатканын кошумчалады.
0
