15:29, 22 января 2020, 24.kg
Ошто 500 доллар жасалма акча менен чет өлкөлүк жаран кармалды
Ошто жасалма акча таратып жүргөн жаран кармалды. Бул тууралуу ИИМден билдиришти.
Маалыматка караганда, коңшу мамлекеттин 30 жаштагы жараны жасалма чет өлкөлүк валютаны сатып өткөрүүгө шектелип колго түштү. Анын жанынан 100 долларлык 5 купюра табылды. Банкнотторду шектүү бут кийимине катып жүргөн.
Экспертиза көрсөткөндөй, купюралар жасалма болуп чыкты.
Чет элдик жаран Оштогу убактылуу кармоочу жайга киргизилди. Сотко чейинки өндүрүш уланууда.
0
