Жаңы жыл. 8 троллейбустук каттам жүргүнчүлөрдү жаңы багыт боюнча ташыйт
Бүгүн жаңы жылга карата 8 троллейбустук каттам жүргүнчүлөрдү жаңы багыт боюнча ташыйт. Бул тууралуу шаардык мэриядан билдиришти.
Маалыматка таянсак, кечки саат 22:00дөн баштап № 2 троллейбус «Ала-Тоо» аянтынан — Аламедин-1 кичи районуна, № 4 троллейбус «Ала-Тоо» аянтынан — Булгаары заводуна (Кожзавод), № 7 троллейбус «Ала-Тоо» аянтынан — Тунгуч кичи районуна, № 8 троллейбус «Ала-Тоо» аянтынан — «Ак-Өргө» конушуна, 10 троллейбус «Ала-Тоо» аянтынан — Асанбай кичи районуна, № 14 троллейбус «Ала-Тоо» аянтынан — Жал кичи районуна, № 14 троллейбус «Ала-Тоо» аянтынан — Киркомстром кичирайонуна, № 17 троллейбус «Ала-Тоо» аянтынан — Асанбай кичи районуна каттайт.
Ошондой эле 8 автобус жана 700гө жакын маршрутка иштейт.
Ал эми 1-январдан тарта 74 троллейбус эртең мененки саат 08:00дөн кечки 20:00гө чейин жүргүнчүлөрдү ташыйт.
