10:26, 31 декабря 2019, 24.kg
Каракол шаарында биринчи жолу «Оймо — кыш 2020» фестивалы өтөт
8-12-январь күндөрү Ысык-Көлдүн Каракол шаарында биринчи жолу «Оймо — кыш 2020» фестивалы өтөт. Бул тууралуу уюштуруучулар билдиришти.
Иш-чаранын максаты — Кыргызстандагы кол өнөрчүлүктү өнүктүрүү, каада-салттын муундан-муунга өтүүсүн жандандыруу, маданий мурастарды сактап калуу.
«Фестивалга чебер усталар, кол өнөрчүлөр, дизайнерлер, туристтер, шаар тургундары жана башкалар катышат. Анда ар кандай мастер-класстар, Кыргызстан менен Борбор Азиянын кол өнөрчүлөрүнүн жарманкеси уюштурулат», — деп айтылат маалыматта.
0
