15:15, 30 декабря 2019, 24.kg
Алмаз Имангазиев: Алтымыш миңдей кыргызстандык «кара тизмеде» турат
Алтымыш миңдей кыргызстандык Орусиянын Федералдык миграция кызматынын «кара тизмесинде» турат. Бул тууралуу Тышкы иштер министрлигинин Консулдук кызмат департаментинин директору Алмаз Имангазиев маалымат жыйында билдирди.
Айтымында, эки жыл мурда бул көрсөткүч 100 миңди түзгөн.
Орусиянын мыйзамдарына ылайык, каттоосуз жашап, иштеген, убактылуу жашаган жери менен документте көрсөтүлгөн жайы дал келбеген жана башка эрежелерди бузган чет элдиктер «кара тизмеге» илинет. Алар депортацияланып, беш жылга чейин Орусияга киришине тыюу салынат.
Белгилей кетсек, Орусия «кара тизмеден» чыгууга кыргызстандыктарга шарт түзүп, мунапыс жарыялап келет.
0
