16:15, 26 декабря 2019, 24.kg
Австрияга барууну каалагандар 2020-жылдан баштап Бишкектен виза ала алышат
Австрияга барууну каалагандар 2020-жылдын башынан тартып Бишкектен виза ала алышат. Бул тууралуу Тышкы иштер министрлигинен билдиришти.
Маалым болгондой, 5-январдан баштап Австриянын Казакстандагы элчилиги Нур-Султан шаарында документтерди кабыл алуучу VFC деп аталган борборду ачып, анын бир бөлүмү Бишкекте иштеп баштайт. Аталган жай Ибраимов көчөсү 103-дарегиндеги «Victory» бизнес борборунда жайгашкан.
«Виза алуу үчүн алдын ала интернет аркылуу арыз бериш керек. Ал үчүн (0312) 979261 номурларына кайрылса болот», — деп айтылат маалыматта.
Эске салсак, жаңы жылдан тарта Германиянын Кыргызстандагы элчилиги бир нече мамлекетке виза берүү ишин токтоткон.
0
