10:15, 17 декабря 2019, 24.kg
Ысык-Ата районунда героиндин ири партиясы табылды
Чүй облусуна караштуу Ысык-Ата районунда героиндин ири партиясы табылды. Бул тууралуу Баңгизатын жүгүртүүгө каршы күрөшүү кызыматынан билдиришти.
Билдирүүгө караганда, буга чейин А.А. аттуу жаран баңгизатын сатып өткөрүп жүргөнү тууралуу маалымат түшкөн. 11-декабрда стационардык жайдан милиция унааны токтотуп, текшерүүгө алышкан. Унааны башкарып бара жаткан 33 жаштагы А.А.нын баштыгынан 6 килограмм 140 грамм героин табылды.
«Факт Кылмыштардын жана жоруктардын бирдиктүү реестрине катталды. 13-декабрда тартип сакчылары Баткен облусунда баңгизатын сатып өткөрүүчү туруктуу каналдын уюштуруучусу Р.У.ну кармашты. Шектүүлөр тергөө абагына киргизилди», — деп айтылат маалыматта.
0
