14:00, 19 ноября 2019, 24.kg
Ленин райондук калкты тейлөө борборунда кезек күткөндөрдүн саны арбын
Бишкектеги Ленин райондук калкты тейлөө борборунда кезек күткөндөрдүн саны арбын. Бул тууралуу кезекте тургандардын бири Назгүл Жамгырчиева соцтармакка жазып, сүрөтүн жарыялады.
Ал кичинекей кагаз алуу үчүн 1 саат кезекте турганын айтат.
«Оператор жалгыз иштеп жатканын билдирип, күтө тургула деди. Экинчи оператор декреттик өргүүгө кетиптир. Менин буга кандай тиешем бар?», — дейт автор.
Ал Каттоо кызматына кеткен кадрдын ордуна башка кызматкер алгыла деп кайрылды.
0
