09:38, 19 ноября 2019, 24.kg
Укук коргоочу: УКМКнын жетекчилиги отставкага кетиши керек
УКМКнын жетекчилиги отставкага кетиши керек. Change.org сайтындагы петицияны укук коргоочу Рита Карасартова түздү.
Ал УКМКдагы кылмыш иши боюнча өтүп жаткандардын далилдеринин уурдалышы, Баткен облусунун прокурорунун өлүмү, кытайлык Саймаитинин киши колдуу болушу, ШИИББдагы 20 кылмыш ишинин жоголушу, ЖАМКтын тергөөчүсүнүн пара талап кылышы тууралуу жаңылыктар мамлекеттик түзүмдүн кыйроо даражасын, криминалдашканын көрсөтүп турат.
Биз коопсуздук органдары мамлекеттин жана ар бир жаранынын коопсуздугу үчүн коркунуч туудуруп жатканын моюнга алышыбыз керек.
Рита Карасартова
Автордун пикиринде, азыркы органды реформалоо пайдасыз жана эффективдүү эмес. Алар терең жактан бузулуп калган.
0
