Шашылыш билдирүү. Тоолорго кар жаап, суук түшөт
Көпчүлүк аймактарда жаан жаап, тоолуу райондордо кар жаашы күтүлөт. Бул тууралуу ӨКМнын басма сөз кызматынан билдиришти.
Маалыматка ылайык, 4-5-ноябрь күндөрү аба ырайынын кескин өзгөрүлүшү күтүлөт.
5-ноябрда түнкүсүн жана күндүн биринчи жарымында Чүй, Талас, Ысык-Көл жана Нарын облустарында жаан карга айланат.
5-6-ноябрь күндөрү абанын температурасы төмөндөп Чүй, Талас өрөөндөрүндө түнкүсүн −0... −5° суук, күндүз +1...+6° жылуу.
Ош, Жалал-Абад, Баткен облустарынын өрөөндөрүндө түнкүсүн 0...+5°, күндүз +7...+12° жылуу, тоо этектеринде түнкүсүн −0...-5° суук, күндүз +2...+7°.
Ысык-Көл жана Нарын облустарынын дыйканчылык аймактарында түнкүсүн −2...-7° суук, күндүз −1 ...+4°, тоолуу райондордо түнкүсүн −4...-9°, күндүз 0...-5° суук, бийик тоолуу райондордо түнкүсүн −10...-15°, күндүз −1...-6° суук болот.
