13:51, 07 октября 2019, 24.kg
Ысык-Көлдө мыйзамсыз балык уулагандарга каршы рейд жүргүзүлдү
Ысык-Көлдө мыйзамсыз балык уулагандарга каршы рейд жүргүзүлдү. Бул тууралуу Мамлекеттик экологиялык жана техникалык коопсуздук боюнча инспекциясынан билдиришти.
Маалыматка ылайык, рейд Чолпон-Ата шаарынан Балыкчы шаарына чейин камтыды.
«Иш-чаранын жүрүшүндө Чолпон-Ата шаарынын 1988-жылы туулган тургуну үйлөтмө балон кайыкта мыйзамсыз балык уулап жүргөн жеринен кармалды. Кайыгынан Ысык-Көлдүн 17 даана чебачек балыгы табылды. Жеринен протокол түзүлүп, миң сом айып, 5 миң 151 сом доо коюлду», -деп айтылат маалыматта.
Мындан сырткары Чырпыкты жана Тору-Айгыр айылдарынан узундугу 2 чакырымга жакын 30 даана кытайдын торлору чечилип, көл үстүнөн тазаланды.
0
