11:56, 07 октября 2019, 24.kg
Күн-Туу айылындагы окуучунун өлүмү. Айдоочу № 1 тергөө абагына киргизилди
Бишкекте автобустун эшигине кыпчылып калып каза болгон окуучунун окуясы боюнча Сокулук райондук соту чечим чыгарды. Ага ылайык, айдоочу № 1 тергөө абагына киргизилди. Бул тууралуу 24.kg агенттигине Чүй ОИИББдан билдиришти.
Маалыматка таянсак, № 18 автобустун айдоочусу Н. Серенов бир ай камакта болот.
Эске салсак, 3-октябрда Күн-Туу айылында автобустун айдоочусу элди унаадан түшүрүп жаткан. 5-класстын окуучусунун кийими эшикке кыпчылып калган. Айдоочу аны байкабай автобусту айдап, баланы арткы оң жактагы дөңгөлөгү менен тебелептип алган. Кырсыктын кесепетинен 5-класстын окуучусу өзүнө келбей ооруканада каза болду.
0
