13:42, 20 сентября 2019, 24.kg
Кыргызстандын мугалимдеринин айлык маянасын көбөйтүүгө 7 миллиард сом керектелет
Кыргызстандын мугалимдеринин айлык маянасын көбөйтүү үчүн 7 миллиард сом керек. Бул тууралуу «Республика-Ата-Журт» фракциясынын отурумунда айтылды.
Каржы министри Бактыгүл Жээнбаеванын айтымында, 7 миллиард сомду Азия өнүгүү банкы грант түрүндө бөлүп берет. «2020-жылы жеке булактарды издеп баштайбыз», -деди министр.
Билим берүү жана илим министрлигинин маалыматына караганда, мектеп мугалимдеринин гана эмес, балдар бакчаларындагы тарбиячылардын дагы айлыктары көбөйөт. Алардын жалпы саны 120 миң киши.
0
