09:08, 11 сентября 2019, 24.kg
Жайыл районунда жол кырсыгы катталып, 2 бала каза болду
Чүй облусуна караштуу Жайыл районунда жол кырсыгы катталып, 2 бала каза болду. Бул тууралуу 24.kg агенттигине Жол кыймылынын коопсуздугун камсыздоо башкы башкармалыгынан билдиришти.
Кырсык кечээ Полтавка-Орто-Суу айылында болгон.
«Орто-Суу айылынын 2003-жылы туулган тургуну тууганынын унаасын сурабай айдап кетип, бакты сүзгөн. Кесепетинен 16 жаштагы айдоочу жана жанындагы жүргүнчү- 7 жаштагы бала мерт кеткен. Ал эми 16 жаштагы дагы бир жүргүнчү ар кандай жаракат алып, аймактык ооруканага жеткирилди», -деп айтылат маалыматта.
0
