15:44, 05 сентября 2019, 24.kg
Анжелика: Элдин баары эле бул суроого дароо жооп бере албайт
Белгилүү ырчы Анжелика эгемендүүлүккө канча жыл болгонун билбей уят болуп калган видео боюнча үн катты. Бул тууралуу ал өзүнүн инстаграм баракчасындагы стористе жазды.
«Чырагына май тамып, комментарий жазып жаткандар деле дароо жооп бере албайт», — дейт ал. 31-август күнү кечинде Борбордук аянтта өткөн концертте ырдаган ырчыларга «Эгемендүүлүккө канча жыл болду?» деген суроо узатылган. Анжелика ага жооп бере албай, суроо берген журналист менен уруша кеткен. Андан кийин Малика Дина жоопту билбестигин кесе айткан. Ырчы Асел Кадырбекова Кыргызстандын көз-карандысыздыгына 28 жыл толгонун айтканы менен, гербди сүрөттөп бере алган эмес.
0
