Коңшу мамлекеттен Кыргызстанга мыйзамсыз ташылып келе жаткан күрүч аныкталды
Коңшу мамлекеттен Кыргызстанга мыйзамсыз ташылып келе жаткан жалпы салмагы 5 миң 500 килограмм болгон 110 кап «Лазер» күрүчү аныкталды. Бул тууралуу Бажы кызматынан билдиришти.
ЕАЭБтин бажы аймагына товарларды жана транспорт каражаттарын мыйзамсыз ташып кирүү фактыларын табуу жана аларга бөгөт коюу боюнча жүргүзүлгөн ыкчам иш-чаранын жыйынтыгында, «Баткен» бажысынын кызматкерлери кыргызстандык К.А.Анын башкаруусундагы «МАН М02» үлгүсүндөгү таранспорт каражатын токтотуп текшеришкен.
Айдоочуну токтоткон учурда ЕАЭБтин аймагына ташылып келе жаткан товар мыйзамдуу экенин тастыктаган бажыга тийиштүү бир дагы документ көрсөтө алган эмес. Кармалган товардын жалпы суммасы 522 миң 500 сом.
Бул факт Кылмыштардын жана жоруктардын бирдиктүү реестрине катталып, матералдар Ош областтык прокуратурасына өткөрүлүп берилди.
