16:05, 04 сентября 2019, 24.kg
Самат Курманкулов өзүнө келип, жандандыруу бөлүмүнөн жалпы палатага которулду
Чүй ОИИБнын башчысы Самат Курманкулов өзүнө келип, жандандыруу бөлүмүнөн жалпы палатага которулду. Бул тууралуу укук коргоо органдарынан билдиришти.
Маалыматка караганда, Самат Курманкуловдун абалы акырындык менен жакшы болууда. Ал сүйлөй албаса дагы баардык кыймылдарга реакция берип жатат.
Эскерте кетсек, мурунку президент Алмазбек Атамбаевди кармоо иш-чарасында Атамбаевдин тарапташтары менен күч органдары ортосунда кагылышуу болуп, Самат Курманкулов жаракат алган. Дарыгерлер анын өмүрү үчүн күрөшүп, болгон аракетин жумшашкан. Аны Москвага дарылануу үчүн алып кетишкен.
0
