15:19, 03 сентября 2019, 24.kg
Радиациялык калдыктарды сактоочу жайларды сактоого жылына 12 миллион сом коройт
Кыргызстан радиациялык калдыктарды сактоочу жайларды сактоого жылына 12 миллион сомго чейинки каражат коротот. Бул тууралуу Отун-энергетикалык комплекс жана жер казынасын пайдалануу боюнча комитетинин отурумунда биринчи вице-премьер-министр Кубатбек Боронов билдирди.
Анын айтымында, уран калдыктарын рекультивакациялоого каражатты эл аралык уюмдар бөлөт.
«Кыргызстандын бюджетинен болгону сактоого гана бөлөбүз. Кызматкерлерге, аймакты тазалоого 8-12 миллион сом кетет», -деди ал.
Кыргызстанда 92 радиациялык калдыктарды сактоочу жай бар, алардын көбү Майлы-Суу шаарында.
0
