10:58, 03 сентября 2019, 24.kg
УКМК: Акциздик маркасы жок тамекилерди ташып жүргөн киши кармалды
Кылмыштуу кирешелерди мыйзамдаштырууга шектүү жаран кармалды. Бул тууралуу УКМК билдирди.
Маалыматка караганда, 1-сентябрда Mercedes Sprinter үлгүсүндөгү унаа текшерүүгө алынган. Анда акциздик маркасы жок 79 куту тамеки табылган.
«Табылган тамекилер унаа ээсине таандык болуп чыкты. А.Б. аттуу жаран 2017-жылдан бери Бажы, Салык кызматы жана Каржы полициясынын кызмат адамдары менен алдын ала сүйлөшүп алышып, тамекини мыйзамсыз ташып жүргөн. Кампаларды тинтүү маалында акциздик маркасы жок 5 миң куту (ар биринде 500гө жакын пачка тамеки) табылды. Алдын ала алынган маалыматка таянсак, товардын баасы 1 миллион доллар», -деп айтылат маалыматта.
0
