09:38, 02 сентября 2019, 24.kg
«Шарк таронлары-2019» эл аралык салттуу музыка сынагында Кыргызстан 1-орун алды
Өзбекстандын Самарканд шаарында өткөн «Шарк таронлары-2019» эл аралык салттуу музыка сынагында Кыргызстан биринчи орунду ээледи. Бул тууралуу Маданият, маалымат жана туризм министрлигинен билдиришти.
Маалыматка ылайык, сынакка 80ден ашуун мамлекеттен 300дөн ашуун улуттук салтуу музыканын алып жүрүүчүлөрү катышкан.
Кыргызстандын атынан Эламан жана Айбек Каныбековдор катышты. Алар Карамолдо Орозовдун «Жаш кербез», Нурак Абдрахмановдун «Мезгил жаңырыгы», Атай Огомбаевдин «Ак-Тамак-Көк тамак» жана Ниязаалы Борошевдин «Кара-Өзгөй» күүлөрүн аткарышкан.
0
