11:30, 30 августа 2019, 24.kg
Турак жайга жана автотранспортко салык төлөөнүн мөөнөтү бир күнгө узартылды
Турак жайга жана автотранспортко салык төлөөнүн мөөнөтүн бир күнгө узартышты. Бул тууралуу Салык кызматынан билдиришти.
Эске салсак, турак жайга жана унаага салык төлөөнүн мөөнөтү 1-сентябрда аяктамак. Бирок, дем алыш күнгө туш келгендиктен, төлөө мөөнөтү бир күнгө узартылып, 2-сентябрда аяктайт.
Салык органдары атайын графикке ылайык майрамга жана дем алыш күндөргө карабай иш алып барат.
Салыктарды өз убагында төлөбөгөн учурда, жеке жактарга 1000 сом, юридикалык жактарга — 5000 сом өлчөмүндө административдик айып салынат.
0
