13:38, 13 августа 2019, 24.kg
Кой-Таш окуясы. Үсөн Ниязбековдун үй-бүлөсүнө УКМК жардам берет
Кой-Таштагы кагылышууда каза болгон «Альфанын» командиринин орун басары Үсөн Ниязбековдун үй-бүлөсүнө УКМК жардам берет. Бул тууралуу маалымат жыйында УКМКнын төрагасы Орозбек Опумбаев билдирди.
Айтымында, Үсөн Ниязбековго атайын кызматтын полковниги наамы берилет. Анын үй-бүлөсүнө мыйзам боюнча жөлөкпул төлөнүп берилет. УКМК маркумдун балдарына жардам көрсөтөт.
Үсөн Ниязбековдун артында жубайы жана 4 баласы калды.
Эске салсак, мурунку президенттин Кой-Таштагы үйүн басып алууда УКМКнын «Альфа» атайын бөлүмчөсүнүн командиринин орун басары Үсөн Ниязбеков каза тапты.
0
