11:34, 06 августа 2019, 24.kg
Эртеңден баштап Чүйдө милициянын көчмө пункту иштей баштайт
7-августтан баштап Чүй облусуна караштуу Сокулук районундагы Орок менен Жаңы-Жер айылдарында милициянын көчмө пункту иштей баштайт. Бул тууралуу Чүй ОИИББдан билдиришти.
Маалыматка караганда, көчмө пункттун курамында ИИМ жетекчилиги, Чүй ОИИББнын башчылары жана башка тийиштүү кызматкерлер болот. Ал эми жергиликтүү тургундар аларга көйгөйлүү суроолорун берип, жооп ала алат.
«Мындай кабадам эл менен болгон байланышты жакшыртуу жана кылмыштуулуктун алдын алуу үчүн жасалууда. Көчмө пункт Орок айылында 7-августта саат 10:00дөн 12:00гө чейин, Жаңы-Жерде саат 14:00дөн 16:00гө чейин кызмат кылат», -деп айтылат маалыматта.
0
